अहंदा बाँका देया म्हाचल बड़ा छैल ।

तांईतां इसी ओ दिखणा ओंदे दूरे दे लोक।।

इत्थु दिया कुदरत दा है नी कोई तोड़।

इत्थु देयां माह्णूयां बिच्च न थोड़ा भी दोष।।श्

बउत सरीफ़ कने बड़े ही भोले भाले।

देव भूमि म्हाचल इत्थु देवतेयां दा वास।।

पूरा भारत सुखी रैह ए म्हाचलियाँ दी आस।

अनेकता विच एकता ए इनां दा असूल।।

ऊँच नीच कने लडाई झगडे़ ता इनां ताईं फजूल।

हरियालियाँ कने म्हारा म्हाचल भरपूर।।

डुगे डुगे नालु बगदे ठण्ड़ा ठण्ड़ा नीर।

पहाड़ च ठण्ड़ी हवा झुलदी।।

छल छल करदे झरने बगदे।

कने छल छल ओंदी पाणीए दी उआज।।

सैलीयाँ सैलीयाँ धारां पालां पादे मोर।

सीटीयाँ बजांदे तीŸार कने ।।

कू कू राग सुणादी कोयल ।

चहचहातंे पंछी दींदे प्यारे सन्देस।।

हर रूतां दा मजा लैंदे इत्थु दे माह्णू।

इतना छैल ए मेरा म्हाचल परदेस।।

 

 

 

सुषमा देवी

 

Powered by Froala Editor