अंजनी कुमार पाठक
कुहूंक कुहूंक के ननकी रोये
भूख से बेहाल वा
हाथ में मोबाइल वारे
ना कोई ध्यान वा
चैटिंग फिटिंग में समय कटत वा
जनी -जात में झगड़ा बढत वा
लईकन सब के पढाई चौपट
स्कूल -कालेज से कन्नी कटत वा
मोबाइल त घर फोड़वा वा रे
जी के जंजाल वा
हाथ में मोबाइल वा रे
ना कोई ध्यान वा
चुल्हा पर जो सब्जी चढल वा
जल के खाक हो जाइत हो
सुध-बुध सब विसरौले वा रे
काछू ना सोहात हो
खेलत -उठत चौकी से ननकी
ध्यान हटल गिर जात वा
हाथ में मोबाइल वा रे
ना कोई ध्यान वा
मोबाइल से जब बात होखेला
टेंशन के भी दौर चले ला
हंसना -रोना -चिखना- चिल्लाना
हाव-भाव पागल -सा लगेगा
दुनियां त मुट्ठी में वा रे
घर -घर तबाह वा
हाथ में मोबाइल वा रे
ना कोई ध्यान वा
Powered by Froala Editor

LEAVE A REPLY